(लघुलेख ) मानसिकता

(लघुलेख )
मानसिकता

सरण राई

पंचायत कालभन्दा अगाडी जनता दोस्रो दर्जाका प्रजा वा रैती थिए | अहिले गणतन्त्र प्राप्तिपछि पनि केहीलाई आफु राजा महाराजाको उत्तराधिकारी भएको भ्रम परेको छ | राष्ट्रको ढ़िकुटिमा हालीमुहाली गर्ने यिनीहरु सबै नागरिकहरुलाई रैती सरह भएको भान दिलाउन बारम्बार उद्दत रहेको पाईन्छ |
जनताका सानो स्वार्थी तप्का आफ्नो स्वार्थका लागि उनीहरुलाई ख्वामित मानेर उनीहरुको दलालीमा लागेर जनतालाई दिग्भ्रमित पारिरहेका छन् | आज प्रश्न उठिरहेको छ -- आजका जनता बिजेता कि हरुवा ?
पहिला अथवा उहिले हरुवाहरु या त मारिन्थे वा दास बनाईन्थे | हार्नेहरुको कुनै स्थान हुदैनथ्यो | अहिलेको नेपाली नागरिकहरुले आफुलाई के सम्झने ? बिजेता कि हरुवा !

राष्ट्रको ढ़िकुटिमा हालीमुहाली गर्नेहरु नागरिकहरुलाई नागरिक मान्दैनन र नागरिक अधिकार दिन चाहदैनन् | उनीहरु बिजेता हुन् र सबै नागरिक उनीहरुका दास हुन् भनेझै व्यवहाररत छन् | सर्वस्वीकार्य संविधान चाहदैनन् | नागरिक अधिकार वहाली भएको देख्न चाहदैनन् | कस्तो विडम्बना !?
ए आजका नागरिक हुन् चाहने जनता ! लाखौको संख्यामा सडकमा उत्रेर , हजारौ सहिद भएर ल्याएको गणतन्त्र जनताले ल्याएको हो | जनताको लागि ल्याईएको हो | जनता बिजेता हो | बिजेता भएको जनताले कसैको दासको जस्तो मानसिकता बोकिरहनु ठीक हुँदैन |
(स्वतन्त्र विवेकशील भएर आफ्नो मालिक आफै हुनुहोस् ! देशको लागि र आफ्नो लागि आफै निर्णय गर्नुहोस् !)

२०७३ कार्तिक २०