फेस्बुके लघु लेख

भोटको कुरा

September 16, 2013 at 7:29am

सरण  राई

"तपाई फटाहा, चोर, लुटेरा, भ्रष्टाचारी, पाखण्डी, राष्ट्रिय ढिकुटिको दुरुपयोगकर्ता , विकासविरोधी, विदेसी दलाल, देस बेचुवा , दुई जिब्रे , राष्ट्रघाती , सबैभन्दा दुःखदायी कुरा बेईमान हुनुहुन्छ !"
"कसरी ? म आफ्नो सुशेधन्दा गरेर खाने सर्वसाधारण मान्छे !"
"गएको चुनावमा फटाहा, चोर, लुटेरा, भ्रष्टाचारी, पाखण्डी, राष्ट्रिय ढिकुटिको दुरुपयोगकर्ता , विकासविरोधी, विदेसी दलाल, देस बेचुवा , दुई जिब्रे , राष्ट्रघाती नेता वा उम्मेदवारलाई तपाईले भोट दिनु भयो कि भएन ?"
" अरु साथि भाईले जसलाई भोट दिनु भने , त्यसैलाई दिएँ |"
"त्यही त गल्ति भयो | भोट भनेको लोकतन्त्रमा भ्रष्टाचारी, पाखण्डी, राष्ट्रिय ढिकुटिको दुरुपयोगकर्ता , विकासविरोधी, विदेसी दलाल, देस बेचुवा , दुई जिब्रे , राष्ट्रघातीहरुका विरुध्द लड्ने हाम्रो सशक्त शक्ति र हतियार हो | तपाईले भोट दिएका व्याक्ति फटाहा भ्रष्टाचारी, पाखण्डी, राष्ट्रिय ढिकुटिको दुरुपयोगकर्ता , दुई जिब्रे , राष्ट्रघाती भएमा स्वतः तपाई पनि ति कुराहरुमा सहभागी हुनुभएन , त्यसको हिस्सेदार हुनुभएन ?"
"त्यो त हो |"
" त्यसैले राम्ररी सोचेर आफ्नो मतको सदुपयोग गरौँ ! मासु, रक्सि र पैसामा नबिकौँ , झुटो आश्वासनमा नभुलियाैँ ! गुण्डाहरु अघि नझुकौँ ! फटाहा भ्रष्टाचारी, पाखण्डी, राष्ट्रिय ढिकुटिको दुरुपयोगकर्ता , विकासविरोधी, विदेसी दलाल, देस बेचुवा , दुई जिब्रे , राष्ट्रघाती का विरुध्द प्रयोग गरौ !"
"कुरा त ठिकै गर्नुभयो , तर ..हामी लाचार सर्वासाधारणहरू ..जसले पनि फकाउने धम्क्याउने ..,हामी त दास नोकर जस्तै भएका छौ !"
" तपाई मतदाताहरु दास नोकर होइन , मालिक बन्नकालागि आफ्नो अमुल्य भोटको सदुपयोग गर्नुहोस है !"
"तर .." सर्वसाधारण मतदाता भन्छ |
कति अफ्ठ्यारो स्थितिमा हामी रहेछौ , वातावरण धमिलो छ |फटाहा भ्रष्टाचारी, पाखण्डी, विदेसी दलाल, दुई जिब्रेहरुको पकडमा राजनीति छ |राजनीति फोहोर भएको छ | कसरी राजनीतिलाई सङ्लो , असल , पवित्र ,कन्चन र सुन्दर बनाउन सकिएला ?

२०७० भदौ ३० , धरान
***

राजनीति सोचेजस्तो , देखेजस्तो ,सम्झे बुझेजस्तो हुँदैन | यसपालिको चुनावले कस्तो परिणाम ल्याउला ? एकथरी स्थायी बिद्रोही हुन बाध्य भएका छन् |

सेना नै परिचालन भए पछी चुनाव त होला जस्तो छ | तर चुनाव निस्पक्ष , धाधलिरहित र शान्तिपूर्ण भने होला जस्तो छैन | सर्वस्वीकार्य हुने त कुरै भएन |फोहोरी राजनीतिकै आयु लम्ब्याउने खालको चुनाव भयो भने मुलुकले चाहीँ निकास पाउन गारो छ |फोहोरी राजनीतिकै खेलाडीहरु चुनावको माध्यमबाट सत्तामा पुगेभने फेरी अगाडिजस्तै मन परि गर्नेछन् र संविधान पनि बनाउदैनन् | यसले स्थायी बिद्रोहीहरुलाई बलियो बनाउने देखिन्छ |

मुलुकलाई शान्तिपूर्ण अवतरनमा लैजाने जिम्मा मतदाताहरुको काँधमा आएको छ | तर लोभ, लालच र डर धम्कीमा फसेका मतदाताहरु नै कति सचेत हुन सक्लान् र ! फेरी पनि हामी फोहोरी राजनीतिकै चङ्गुलमा पर्छौँ कि क्या हो ?

मतदाताहरु ! निर्भय भई लोभ लालचमा नफसी आफ्नो मनले खाएको उम्मेदवार छान्नुहोस् है | मुलुकको भविष्य फेरी एकपटक तपाईको हातमा आएको छ | यो एेतिहासिक दायित्व पुरा गरेर भावी पिढ़ीँको भविष्य सुनौलो पारौँ  !

२०७० असोज २७